Oskar Stock
Weihnachtswünsche
Zsammhoitn ... net streitn,
Freid nur bereitn,
trotz Schaffn und Werkn,
d' Gemeinschaft vastärkn.
Redn ... net schimpfn,
mit Bosheit net impfn,
nebst Hastn und Stressn,
a's Lobm net vagessn.
Helfn ... net ignoriern,
Mensch sei, des spürn,
wenn's brennt hint und vorn,
lächln trotz Zorn.
D' Hand gebm ... net stur sei,
mi'm Ärga muaß Ruah sei,
des wünsch i iatz schier,
Eich olle ... und mir!
Oskar Stock
Herzliche Weihnachtswünsche!
Die Rechte und die Verantwortlichkeit für diesen Beitrag liegen beim Autor (Oskar Stock).
Der Beitrag wurde von Oskar Stock auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 18.12.2010.
- Infos zum Urheberrecht / Haftungsausschluss (Disclaimer).