Herberge...

Da Kaisa Augustus, woitt wissn  amoi,        
wia groß iatz sei Voik is, damit er              
de Steuer konn  eitrei(b)m,  in Berg und in Toi:      
Er mecht no vui bau´n  - do muass Gejd  her…        
 
Zur Voikszählung müassn zum Landratsamt hi
de Leit, ja, zum Eischrei(b)m und schätzn.
Da Sepp und d`Maria – a Idiotie –
den langa Weg  z`Fuaß geh – is ätzend!
 
A Dogroas* bis Betlehem – schwanga  war`s  aa,
drum kemman`s auf  d`Nocht erst in  d`Stodt nei.
Sie bettln vo Wirtshaus zu Wirtshaus... - Aha:
Weil`s  arm san,  do lasst`s  koana  ei`!
 
Beim Vetter probiern`se`s, doch der weist se fort;
aa dem sei Haus is um de Uhrzeit
scho bsetzt und do drauf gibt er`m  Josef sei Wort...
Mi`m  Jammern, do kemmans ned weit.
 
Z´letzt findn`s  an Stoi volla Heu und voi Vieh,
mit Ochs und mit Esl und Stroh...
Se san fix und fertig und legn si glei hi,
D`Maria, de woant scho a so...
 
* Tagesreise