De Nikelos kimmt...

"De Niklos is e guuder Mann
der will eich ebbes schenke;
seid ihr nor lieb un lernt e Lied,
dann werd er an eich denke!"

So sejt die Mama zu ehrm Bub.
Sei Aae werre greeßer,
wäß er doch, hots jo oft geheert,
er wär e Schlimmer, Beeser...

Un er denkt hin un er denkt her,
- es issem nit so ohne -
um d' Nikelos un Weihnachtszeit
scheint's Bravsein sich se lohne!?

Un schun werd aus dem beese Bub
- mer kanns jo fascht nit glawe! -
e liewer, braver kleener Kerl -
Deibche, statt schwarzer Raawe!

Wie dann de Nikelos komme is,
war'in seim Sack kej Rute;
die Mama konnt vun'd Kinner saan
s'wärn brave, liewe, gute!

Do bleibt se winsche nor noch schnell,
dass's ganz Johr Weihnachtszeit wär, gell!
- Doch saat mer mol, der liewe Leit,
hät mer sich dann aach so gefreit?