A undankbars Kind (bayrische Mundart)

Ois ma no Kinder warn, da hamma immer scheene Weihnachn ghabt, obwoi meine Eltern ned reich warn, hamma doch immer tolle Gschenke griagt. Meistens sogar des, wo ma uns gwünscht ham.

Nur oamoi, da ko i mi dran erinnern, dass des ned so war.

Da hob i ma so an Frisurenkopf gwünscht. Des is a großer Puppenkopf mit ganz lange Hoar, de wo ma dann frisieren kon und außerdem ko ma des Gsicht vo da Puppn aa no schminkn. Ganz fest hob i ma des gwünscht.

Wia dann der Heilig Abend da war und i a groß Packerl für mi unterm Weihnachtsbaum gsehn hab, da war i ma scho ganz sicher, dass des der Kopf sei muaß.

Da wär nur no glatzkopferd ganga.

Obwoi - des aa ned recht vui schlimmer g’wesn wär, als wia wenn uns mei Tante de Hoar gschnittn hod. Aber no liaber die, ois mei Opa, vor dem hamma alle a bisserl Schiß ghabt und vui liaba no, als bei meiner Mama, weil de schiafn Ponys ko ma  goarned beschreibn, lauta Eckn und Kantn hats uns jedsmoi einegmacht.

Da war mei Tante des kleanste Übel.

Nach und nach san dann meine Gschwister aa olle kemma, um mit de neia Spuisachan zum spuin. I hob dann alle vo meim Bett aus recht tratzt, weil mi des immer no gärgert hod, dass da koa Frisierkopf für mi unterm Weihnachtsbaum gwesn is.

Meim Bruada war des nacha zvui und  da hoda ma zur Straf mei Loata wegagnumma, damit i nimma vo meim Bett obakim.

Ich hab gwußt, dass des a riesn Donnerwetter vo meiner Mama gebn werd, wenn i ma ned glei a guade Ausred eifoin lass.

Oiso hob i scharf nachdenkt, wia i aus der Sach aussa kum.

Zerst hob i ma denkt, vielleicht merkt ses garned.

Aber bei drei Gschwister iss immer oaner dabei, der’s ihra steckt.

Humpelnd und wuislad bin i zu meine Eltern ghupft und hob eahna vazoit, dass i vom Stockbett obagfoin bin und genau auf mei scheens, neichs Puppnhäusl.

• Autorensteckbrief (Infos & weitere Beiträge)
• evamaria.herrmannweb.de (Spam-Schutz - Bitte eMail-Adresse per Hand eintippen!)

  Eva-Maria Herrmann als Lieblingsautorin markieren

Diesen Beitrag empfehlen:

Mit eigenem Mail-Programm empfehlen